ប្រព័ន្ធប្រតិបត្តិការ Android ដែលកំពុងដើរលើទូរសព្ទរបស់អ្នកសព្វថ្ងៃនេះ មានរឿងរ៉ាវជាច្រើនទាក់ទងនឹងវាដែលមនុស្សមួយចំនួនប្រហែលមិនបានដឹង។ ខាងក្រោមនេះគឺជាការពិតប្រាំយ៉ាងអំពី Android ដែលដឹងហើយអាចភ្ញាក់ផ្អើល៖
១. Android 3.0 មិនដែលដើរលើទូរសព្ទ៖
ប្រព័ន្ធប្រតិបត្តិការ Android បច្ចុប្បន្នអាចដើរនៅលើ នាឡិកាដៃ ទូរទស្សន៍ ទូរសព្ទ និងឡាន ប៉ុន្តែ Android 3.0 គេមិនដែលឃើញដើរលើទូរសព្ទនោះឡើយ។ Android 3.0 Honeycomb បង្កើតឡើងសម្រាប់តែ Tablet ប៉ុណ្ណោះ ដូចជា Sony Tablet P, HTC Jetstream និង ASUS Eee pad។
២. Android 1.0 មានឈ្មោះខុសគេ៖
ប្រព័ន្ធប្រតិបត្តិការ Android គ្រប់ជំនាន់ទាំងអស់គឺសុទ្ធតែដាក់ឈ្មោះតាម ឈ្មោះរបស់បង្អែម លើកលែងតែ Android 1.0 ដែលមានឈ្មោះខុសពីគេ គឺ “Alpha” ឬ “Astro Boy”។
៣. Android គឺជាមនុស្សប្រុស៖
មានវចនានុក្រមជាច្រើនបានឲ្យនិយមន័យ Android ថាជាមនុស្សយន្តដែលមានរូបរាងដូចជាមនុស្ស ហើយគឺមនុស្សប្រុសថែមទៀតផង។
៤. Android មិនមែនបង្កើតឡើងសម្រាប់ស្មាតហ្វូនឡើយ៖
កាលពីឆ្នាំ២០១៣ អ្នកបង្កើត Android លោក Andy Rubin បានថ្លែងប្រាប់ដល់ទស្សនិកជននៅក្នុងទីក្រុងតូក្យូថា Android បច្ចុប្បន្ននេះមិនមែនបង្កើតឡើងសម្រាប់ស្មាតហ្វូនឡើយ។ ផ្ទុយទៅវិញ វាត្រូវបានបង្កើតឡើងសម្រាប់កាមេរ៉ាឆ្លាតវ័យ គំនិតនៅពេលនោះគឺគេចង់ភ្ជាប់ រវាងកាមេរ៉ានិងកុំព្យូទ័រ ដើម្បី Upload រូបថតចូលទៅក្នុង Android Datacenter។ ដោយសារតែទីផ្សារកាមេរ៉ាមានការថមថយទើប Rubin សម្រេចចិត្តងាកមករកស្មាតហ្វូនវិញ។
៥. Android ធ្វើការក្នុងលំហអាកាស៖
នៅឆ្នាំ២០១៣ អង្គការណាសាបានបង្ហោះផ្កាយរណប PhoneSats ដែលជាផ្កាយរណបមួយប្រភេទមានតម្លៃថោក ហើយវាដើរដោយប្រព័ន្ធការ Android។ ផ្កាយរណប PhoneSats មួយផលិតឡើងដោយទូរសព្ទ HTC Nexus Ones ពីរគ្រឿង និង Samsung Nexus S មួយគ្រឿង ដោយចំណាយត្រឹមតែ ៣៥០០ដុល្លារប៉ុណ្ណោះ ដើម្បីផលិតបានផ្កាយរណបនេះមួយគ្រឿង៕
0 comments:
Post a Comment