បន្ទាប់ពីក្រុមហ៊ុនធំៗដ៏ទៃ បានបញ្ចេញនូវកំពូល ទូរស័ព្ទដែលបានបំពាក់ដោយបច្ចេកវិទ្យាថ្មីៗរួចមកក្រុមហ៊ុន Xiaomi ក៏បានបង្ហាញពីគម្រោងរបស់ខ្លួន សម្រាប់ម៉ូដែល Mi 5 ដែរ។ មិនត្រឹមតែមានបច្ចេកវិទ្យាថ្មី ទំនើបប៉ុណ្ណោះទេថែមទាំងមានរូបរាងកាន់តែស្រស់ ស្អាតទៀតផង។
សម្រាប់ទីផ្សារបច្ចេកវិទ្យា ដែលកំពុងមានការប្រកួត ប្រជែងយ៉ាងខ្លាំងនោះ ក្រុមហ៊ុន Xiaomi ក៏មិនធម្មតាដែរ។ តាមប្រភពបរទេសមួយបាន ប្រាប់ឱ្យដឹងថាក្រុមហ៊ុននេះ នឹងបំពាក់នូវបច្ចេកថ្មីៗមិនឱ្យចាញ់ក្រុមហ៊ុន ដ៏ទៃឡើយ។ តាមពាក្យចចាមអារាម ក្រុមហ៊ុននឹងបំពាក់នូវបច្ចេកវិទ្យាថ្មីរបស់ក្រុមហ៊ុន Qualcomm គឺបច្ចេកវិទ្យា Snapdragon Sense ID។ ដែលជាច្ចេកវិទ្យាស្កេនក្រយ៉ៅដៃថ្មី ដែលអាចស្កេនបានកាន់ តែមានប្រសិទ្ធិភាពជាងមុន ហើយវាអាចដំណើរការស្កេនបានទាំងលើកញ្ចក់ ហើយទាំងនៅលើលោហៈធាតុ អាលុយមីញ៉ូម សូម្បីតែលើផ្លាស្ទិចក៏វាអាចដំណើរការបានដែរ។ ចំណែករូបរាងរបស់វាវិញ ក៏ត្រូវបានលេចចេញ ផ្នែកខាងមុខដែលមើលទៅ វាមានការកែប្រែប៊ូតុង Home ដែលមើលទៅកាន់តែស្រស់ ស្អាតថែមទៀត។
ប៉ុន្តែកាលពីថ្ងៃទី8 ខែធ្នូនេះប្រភពដដែលបាននិយាយថាមើលទៅបច្ចេកវិទ្យា Snapdragon Sense ID នេះក្រុមហ៊ុនទំនងជានឹង មានការរារែក ហើយក៏ប្រហែលជានឹង អាចបោះបង់ចោលនូវ គម្រោងដាក់បញ្ចូល បច្ចេកវិទ្យានេះដែរ។
សង្ឃឹមថាក្រុមហ៊ុនអាច នឹងពិចារណាក្នុងការ ដាក់បញ្ចូលនូវបច្ចេកវិទ្យា នេះវិញនោះ Mi 5 ប្រហែលជានឹងក្លាយជាកំពូលស្មាតហ្វូនដ៏ពេញនិយម មិនខាន។ បើតាមការបង្ហើបឱ្យដឹងក្រុមហ៊ុននឹងដាក់បង្ហាញម៉ូដែលនេះ នៅដើមឆ្នាំក្រោយ អាចចុងខែមករា ឫដើមខែកុម្ភៈខាងមុខនេះហើយ។
0 comments:
Post a Comment