ពេលវេលា ដូចជាដើរលឿនខ្លាំងណាស់ ព្រោះអី Galaxy S6 នៅកំពុងតែទទួលបានការ ពេញនិយមប្រើប្រាស់នៅឡើយទេ ក៏ប៉ុន្តែក្រុមហ៊ុន Samsung ទំនងជាត្រៀមខ្លួន រួចហើយក្នុងការ បង្កើត Galaxy S7។ បើតាមគម្រោង Galaxy S7 អាចនឹងបង្ហាញខ្លួន នៅដើមឆ្នាំ 2016 ខាងមុខនេះ ចំណែកឯ លក្ខណៈសម្បត្តិរបស់វា ត្រូវបានប្រភពបរទេស មួយចំនួនបង្ហើបឱ្យដឹងបណ្តើរៗហើយ។
កាលពីពេលថ្មីៗនេះមាន ប្រភពបរទេសមួយបាន បង្ហើបពីលក្ខណៈសម្បត្តិ មួយចំនួនចំនួនរបស់ទូរស័ព្ទម៉ូឌែលនេះ។ បើតាមការឱ្យដឹង Galaxy S7 មានពីរម៉ូឌែលគឺ S7 និង S7 Plus ដោយ Galaxy S7 មានបណ្តោយ 143.37 មីលីម៉ែត្រ ទទឹង 70.8 មីលីម៉ែត្រ និងមានកម្រាស់ប្រមាណ 6.94 មីលីម៉ែត្រ អមដោយអេក្រង់ទំហំ 5.7 អ៊ីង ប៉ុនទៅនឹងទំហំអេក្រង់របស់ Galaxy Note 5 ផងដែរ។ ចំណែកឯ S7 Plus វិញ វាមានបណ្តោយ 163.32 មីលីម៉ែត្រ ទទឹង 82.01 មីលីម៉ែត្រ ហើយកម្រាស់វិញ រាងក្រាស់បន្តិច ពោលគឺវាមានកម្រាស់ 7.82 មីលីម៉ែត្រ អមដោយអេក្រង់ធំ ដល់ទៅ 6 អ៊ីង។ ពិនិត្យទៅមើលរូបរាង ដែលបានលេចចេញនេះ យើងឃើញថាវាស្រដៀងទៅនឹង Galaxy S6 ណាស់ ក៏ប៉ុន្តែកែងទូរស័ព្ទ មានសភាពទាលជាង ហើយប៊ូតុង Home ក៏មានរាងចតុកោណកែងផងដែរ។
បើតាមការប៉ាន់ស្មានម៉ូឌែល Galaxy S7 នេះអាចនឹងប្រើប្រាស់ បន្ទះឈីបរបស់ក្រុមហ៊ុន Qualcomm ប្រភេទ Snapdragon 820 ឫប្រភេទឈីប Exynos 8890 របស់ក្រុមហ៊ុនផ្ទាល់ក៏មិនដឹង។ ប៉ុន្តែយើងនៅមិនទាន់ដឹងថាស្មាតហ្វូនជំនាន់ក្រោយនេះ នឹងមានបំពាក់មកជាមួយបច្ចេកវិទ្យាថ្មី អ្វីខ្លះនោះទេ មានតែរង់ចាំតាមដានជាមួយ ខេមបូទាំងអស់គ្នាណា។
0 comments:
Post a Comment